Барселона метросидаги ёнғинда 140 га яқин одам жароҳатланди
Ёнғинга туннел қопламаси қисмининг тушиб кетиши сабаб бўлиши мумкин
Барселона метрополитенида содир бўлган ёнғин сабабли камида 136 киши жабрланди. Бу ҳақда РБК хабар бермоқда.
Ёнғин метро туннелида содир бўлган. Шуннингдек, Rodalies шаҳар атрофи поездлари тугуни жойлашган Clot бекатида поездни эвакуация қилишга тўғри келган.
Йўловчиларнинг айтишича, туннелдаги кучли тутун сабабли деярли ҳеч нарса кўринмаган. Поезд тўхтаганидан сўнг, одамлар авария эшикларини мустақил равишда очиб, рельсларга чиқишган ва платформагача тахминан 200 метр пиёда юришган.
Тез тиббий ёрдам хизмати 137 кишига ёрдам кўрсатди, улардан 131 нафари енгил жароҳат олган, яна олти нафарининг аҳволи оғирроқ. 39 нафар жабрланувчи шифохоналарга етказилган.
Дастлабки тахминларга кўра, туннел қопламаси қисмининг тушиб кетиши ва сўнг ёниб кетиши ёнғинга сабаб бўлган бўлиши мумкин.
