Фотогалерея: Мексикада қашшоқ аҳолига қурилган лего шаклидаги уйлар
Мексика ҳукумати 2000 йилда қашшоқ аҳоли учун уйлар лойиҳасини амалга оширган. Мексикалик фотограф мазкур лойиҳа бепарволик билан ишлангани ва уйларда канализация, сув таъминоти мавжуд эмаслигини танқид қилган.
Мексика ҳукумати 2000 йилнинг бошларида миллионлаб қашшоқ одамлар учун арзон уй-жойлар қуриш бўйича улкан лойиҳани бошлаган. Якунда эса ҳукумат 100 миллиард доллар ажратган ушбу лойиҳа жуда ёмон ўйланган ва бепарволик билан бажарилган бўлиб чиққан.
Бугунги кунда ҳам кўплаб биноларда сув таъминоти ва канализация тизимлари йўқ. Мексикалик фотограф Хорхе Табоада (Jorge Taboada) уларнинг катталиги ва бир хиллигидан ҳайратда қолди, бу, айниқса, юқоридан сезилиб турарди.
«Бу хавотирли ҳолат ер сатҳидан кўринмайди. Мен Мексиканинг йирик саноат шаҳарлари атрофида минглаб одамлар томонидан қурилган ушбу уйларни тадқиқ қилиш ва суратга олишни бошладим», — дейди у.
Хорхе 90-аср ўрталаридаги архитектурани ўрганиб чиқиб, ўзининг барча таассуротларини расмларда акс эттирди ва туғилган шаҳри Монтерреда энг машхур фотогрофга айланди.
Унинг сўнгги «Aлта Денсидад» (Юқори зичлик) альбомида Мексикадаги уй-жойлар тасвирланган. Барча фотосуратлар вертолётдан олинган.
Ушбу чексиз уйлар қатори юқоридан жуда ажойиб кўринади. Aммо бунинг гўзаллигига қарамай, фотограф бундай қатъий шаклдаги уйлар ҳокимиятнинг аҳоли эҳтиёжларига мутлақо бефарқлигини очиб берилганига ишора қилган.
«Бир томондан, мен бу уйларда ажойиб меъморчиликни ва безакларни кўраман. Лекин кейин у ерда яшайдиган ва давлат бепарволиклари оқибатида азоб чекаётган одамларни эслайман», — дейди у.