Исроил ҳам БМТ Инсон ҳуқуқлари кенгашидан чиқди
Исроил 5 февраль куни БМТнинг Инсон ҳуқуқлари бўйича кенгашидан чиқди. Мамлакат ташқи ишлар вазири Гидеон Саар бу ҳақда маълум қилди.
(Кенгаш) анъанавий тарзда инсон ҳуқуқларини бузувчиларни ҳимоя қилиб, уларга эътибордан четда қолишга имкон берган ва бунинг ўрнига Яқин Шарқдаги ягона демократия — Исроилни шафқатсизларча қоралашга ҳаракат қилган, дея даъво қилди Гидеон Саар.
У мазкур «орган инсон ҳуқуқларини тарғиб қилиш ўрнига демократик мамлакатга ҳужум қилиш ва антисемитизмни ёйишга эътибор қаратгани»ни таъкидлади.
Бизга нисбатан дискриминация аниқ кўриниб турибди: БМТ Инсон ҳуқуқлари кенгашида Исроил кун тартибидаги банд фақат унга бағишланган ягона давлатдир, деди вазир.
У кенгаш Исроилни қораловчи 100 дан ортиқ резолюция қабул қилгани, бу умумий резолюцияларнинг 20 фоизидан кўпроғини ташкил этиши билдирди. Ташқи ишлар вазири бу Эрон, Куба, Шимолий Корея ва Венесуэлага қарши қабул қилинган резолюциялардан ҳам кўплигини таъкидлади.
