Трамп Исроил Ғазoда 60 кунлик ўт очишни тўхтатиш таклифига рози бўлганини маълум қилди
АҚШ президенти Доналд Трамп 1 июль куни Исроил Ғазoда 60 кунлик ўт очишни тўхтатиш бўйича зарур шартларга рози бўлганини маълум қилди. Бу ҳақда CNN хабар берди.
Трампнинг сўзларига кўра, унинг вакиллари Исроил расмийлари билан Ғазoда самарали музокаралар ўтказган. Ўт очишни тўхтатиш муддати давомида барча томонлар билан урушни тугатиш бўйича музокаралар олиб борилади. Трамп HAMAS бу таклифни қабул қилиши кераклигини, акс ҳолда вазият фақат ёмонлашишини таъкидлади. У Қатар ва Мисрни якуний келишувга эришишда воситачилик қилаётган давлатлар сифатида тилга олди.
Маълим қилинишича, Қатар 1 июль куни HAMAS ва Исроил томонларига Трамп томонидан қўллаб-қувватланган 60 кунлик сулҳ таклифини тақдим этган. Ушбу таклиф АҚШ махсус вакили Стив Уиткофф бошчилигидаги бир неча ойлик яширин музокаралар натижасида ишлаб чиқилган.
Келишувда HAMAS манфаатлари ҳам инобатга олинган бўлиб, унга кўра исроиллик гаровга олинганлар фаластинлик маҳбусларга алмашинади.
Шунингдек, Трамп 30 июнь куни Исроил бош вазири Бинямин Нетаняху билан учрашув ўтказишни режалаштирганди. Исроил ҳукумати эса урушда ҳали барча мақсадларига эришилмаганини, HAMAS кучлари яшириниб олгани сабабли уларни нишонга олиш тобора қийинлашаётганини билдирган.
