Туркияда 6,1 магнитудали зилзила содир бўлди, ўнлаб бинолар қулаб тушди
Туркиянинг Балыкесир вилоятида юз берган 6,1 магнитудали зилзила натижасида камида 24 бино қулаб тушди. Ҳозирда 300 дан ортиқ киши қидирув-қутқарув ишларида иштирок этмоқда.
Туркиянинг табиий офатларнинг олдини олиш ва бартараф этиш бошқармаси (AFAD) хабар беришича, зилзила эпицентри Туркия ғарбидаги Балыкесир вилоятининг Синдирги туманида бўлган. Зилзила эпицентри 11 километр чуқурликда жойлашган.
Туркия ички ишлар вазири Али Ерликая экспертлар етказилган зарарни баҳолашга киришгани ва ҳозирча зилзила салбий оқибатлари қайд этилмаганини маълум қилган.
Айни вақтда Балыкесирда бир неча бинонинг қулагани маълум қилинган. Зилзила Измир, Кютаҳья, Ялова, Истанбул, Маниса, Ушак, Айдын, Эскишеҳир, Сакарья, Ялова ва Текирдағда ҳам сезилди.
Туркия президенти Ражаб Тоййиб Эрдўғон зилзиладан жабр кўрган фуқароларга ҳамдардлик билдирди. Давлат раҳбари вазият ривожини диққат билан кузатиб бораётганини таъкидлади.
