Кучли ёмғир туфайли Макка ва Мадина кўчаларини сув босди
Саудия Арабистонидаги кучли ёмғирлар оқибатида Макка ва Мадина шаҳарлари кўчаларини сув босди. Бу ҳақда бир қатор хорижий оммавий ахборот воситалари хабар бермоқда.
Кучли ёмғирдан кейин йўллар дарёга айланди, сув тошқини автомобилларни суриб кетди, дейилади ОАВ хабарида.
Қайд этилишича, сув қуруқ ва қояли қирлар устидан оқиб ўтиб, шаҳар ва қишлоқларга етиб борган.
Саудия Арабистони метеорология департаменти Макка, Мадина ва Жидда порт шаҳрида қизил даражали огоҳлантириш эълон қилди.
