Тошкент вилоятида икки машина тўқнашуви оқибатида ёнғин келиб чиққан
Тошкент вилоятининг Ўрта Чирчиқ тумани ҳудудидан ўтган йўлда 24 март куни соат тахминан 17:30 ларда ЙТҲ содир бўлди. Бу ҳақда вилоят ИИББ ЙҲХБ хабар берди.
Маълум қилинишича, қайрилиб олиш мумкин бўлган жойдан Nexia-2 қайрилиб олаётган вақтида Cobalt автомашинаси билан тўқнашган.
Автоҳалокат оқибатида Nexia-2 автомашинасида ёнғин келиб чиққан.
Ҳодиса оқибатида ҳаракат иштирокчиларини соғлиғига зиён етмаган.
Ҳозирда ёнғин тўлиқ ўчирилиб, ҳолат юзасидан туман ИИБ ЙҲХБ томонидан суриштирув ишлари амалга оширилмоқда.
