Хитой TikTok’ни Илон Маскка сотиши мумкин
Хитой расмийлари TikTok АҚШда тақиқланган тақдирда иловани миллиардер Илон Маскка сотиш имкониятини кўриб чиқмоқда. Бу ҳақда манбаларга таяниб, Bloomberg хабар берди.
Хитой расмийлари бундай сценарийни АҚШ Олий суди мамлакатда TikTok’ни тақиқлаш тўғрисидаги қонунни қўллаб-қувватлаши мумкинлигидан сўнг бошлади. Пекин учун платформа бундан кейин ҳам ByteDance бош компаниясига тегишли бўлиб қолиши афзалроқ вариант бўлади.
Ҳозирча бу борада якуний қарор қабул қилинмаган. Илон Маск ва ByteDance эҳтимолий битим шартларини муҳокама қилгани номаълум.
19 январь куни, АҚШнинг сайланган президенти Дональд Трампнинг инаугурациясидан атиги бир кун олдин, Хитойнинг ByteDance компанияси TikTok’ни сотиши керак бўлган охирги муддат бўлади. Агар бу амалга ошмаса, ижтимоий тармоқ АҚШ ҳудудида блокланади.
