Ўзбекистонда 30 мингдан ортиқ ҳайдовчи маст ҳолда транспорт воситасини бошқаргани учун жазоланди
Ўзбекистонда 2024 йил давомида 30 мингдан ортиқ ҳайдовчи маст ҳолда транспорт воситасини бошқаргани учун жазоланди. Бу ҳақда Олий суд матбуот хизмати маълум қилди.
Аниқланишича, ўтган йили Маъмурий жавобгарлик тўғрисидаги кодекснинг 131-моддаси (транспорт воситаларини маст ҳолда бошқариш) ва 136-моддаси (транспорт воситалари ҳайдовчилари ва йўл ҳаракати бошқа иштирокчиларининг маст ҳолатни аниқлаш учун текширувдан бўйин товлаши) бўйича 32 999 нафар шахсга нисбатан 32 723 та иш кўриб чиқилганˌ.
31 351 нафар фуқарога нисбатан жарима, транспорт воситасини бошқариш ҳуқуқидан маҳрум этиш ва маъмурий қамоқ каби маъмурий жазо чоралари қўлланилганˌ.
