Трамп АҚШ ва Мексика ўртасидаги деворни 2029 йилгача тугатмоқчи
АҚШ президенти Дональд Трамп Мексика билан чегарадаги девор қурилишини 2029 йилгача якунлашни режалаштирмоқда. Бу ҳақда АҚШ вице-президенти Жей Ди Венс маълум қилди, деб хабар беради РБК.
«Менимча, президент муддатининг охирига қадар бутун чегара деворини тўлиқ барпо этишга умид қилмоқда. Ва, албатта, гап фақатгина физик тузилма – чегара деворининг ўзи ҳақида кетмоқда», — деди у.
Қурилишда турли технологиялар, жумладан, сунъий интеллектдан фойдаланиш режалаштирилган. Чегарага яқинлашиб келаётган инсонларни аниқлаш учун сунъий интеллектли камералар ўрнатилиши мумкин.
