Туркия телеканалларига митингларни намойиш этиш тақиқланди
Туркияда Истанбул мэри Акрам Имомўғли қамоққа олинганидан сўнг оммавий норозилик намойишлари бошланган эди. Мамлакатда фаолият олиб бораётган телеканалларга мазкур намойишларни ёритиш тақиқланди.
Туркия радио ва телевидение олий кенгаши раиси Абубакир Шоҳин норозилик намойишларини тўғридан-тўғри эфирга узатишни тўхтатишни талаб қилган. Акс ҳолда бундай телеканаллар лицензиядан маҳрум этилади.
Шоҳин намойишларни ёритиш «босиқ», «холис» бўлиши ва «ҳокимиятнинг расмий маълумотлари ҳамда тушунтиришлари»ни ўз ичига олиши кераклигини таъкидлаган.
Шундан сўнг TRT Haber, НTV ва CNN Тurk каби каналлар намойишлар тўғридан-тўғри эфирга узатишни тўхтатган.
Улар энди сиёсатчиларнинг нутқлари ва фикрларини орқали митингларни ёритишни давом эттирмоқда.
Эслатиб ўтамиз, аввалроқ Туркиядаги вазият туфайли элчихона ўзбекистонликларни огоҳлантирган эди.
