Испанияда оммавий норозилик намойишлари ортидан муддатидан аввал парламент сайловлари ўтказилади
Мамлакат бош вазири Педро Санчес овоз бериш кунини 29 ноябрга белгилади
Испания бош вазири Педро Санчес 29 ноябрь куни муддатидан илгари парламент сайловлари ўтказилишини эълон қилди, деб хабар беради Reuters.
Дастлаб умумий сайловлар 2027 йилга режалаштирилган эди. Бу қарор парламент ҳукуматнинг уй-жой инқирозига қарши курашиш бўйича муҳим ташаббусларини рад этганидан кейин қабул қилинди.
Вазият сабаб бутун мамлакат бўйлаб оммавий норозилик намойишлари бўлиб ўтди — биргина Мадридда акцияга 70 мингга яқин одам чиқди.
Педро Санчес, ҳукумат фуқаролар қўллаб-қувватлашини қайта қўлга киритиши ва парламентда янада барқарор кўпчиликка эга бўлиши зарурлигини таъкидлади.
