Uzum Tezkor курьерларга нақдсиз чойчақа қолдириш имкониятини йўл қўйди
Энди Uzum Tezkor иловаси орқали сифатли ва тез етказиб берилган буюртма учун курьерларга миннатдорчилик сифатида чойчақа қолдириш мумкин.
Ушбу функция синов режимида фойдаланувчиларнинг бир қисмида мавжуд. Аммо декабрь сўнгига қадар барча фойдаланувчилар нақдсиз чойчақа қолдиришлари мумкин бўлади.
Етказиб бериш якунлангач фойдаланувчилар буюртмани баҳолаш саҳифасида келтирилган чойчақа миқдорини (2000, 5000, 7500 ёки 10 000 сўм) белгилашлари ёки бошқа исталган миқдорни киритишлари мумкин. Чойчақа Uzum Tezkor иловасига уланган карта ва тўлов тизимлари орқали амалга оширилади. Бунда фойдаланувчилар томонидан қолдирилган нақдсиз чойчақа тўлиқ курьерга ўтказиб берилади. Ушбу функция Uzum Tezkor иловасида, ҳамда Uzum Market иловасининг Tezkor бўлимида мавжуд.
Янги йил байрами арафасида буюртмалар сони кўпаяди ва курьерларда иш миқдори ошади. Бу биз ва фойдаланувчиларимиз учун иссиқ тушлик, барра маҳсулотлар ва фарзандларимизга ширин совғаларни етказиб берадиган инсонларга миннатдорчилик билдиришнинг айни вақти. Биз ҳамкорларимиз билан биргаликда анъанавий равишда курьерларни иссиқ чой билан сийлаймиз, энди эса мижозларимиз курьерларга нақдсиз шаклда чойчақа қолдириб, миннатдорчилик билдиришлари мумкин, — деди Uzum Tezkor хизматининг “Курьерларни жалб қилиш ва ушлаб қолиш” бўлими раҳбари Марина Коротаева.
Uzum Tezkor курьерлари мамлакатнинг 17 шаҳрида 2300 дан ортиқ кафе, ресторан ва дўконлардан буюртмаларни етказиб беришади. Шунга қарамай, хизмат кўрсатиш сифати ва етказиб бериш тезлиги устивор вазифа бўлиб қолмоқда – Uzum Tezkor курьерлари буюртмаларни 30 дақиқа етказиб беришади.
