Тошкентда 2 гектар ерни 800 минг долларга сотмоқчи бўлган эркак ушланди
Тошкентда 30 март куни 2 гектар ерни 800 минг долларга сотмоқчи бўлган эркак ушланди.
Маълум қилинишича, шу куни фуқаро Э.Н. «Ўрол» исмли шахс Бектемир туманида жойлашган тақиқда бўлган иссиқхона учун ажратилган 2 гектар ер майдонини ҳар бир сотихини 4000 доллардан жами 800 000 долларга сотишини айтган.
Қайд этилишича, Э.Н. «Ўрол» исмли шахс унга ер майдонига қўйилган тақиқни тегишли органлар орқали ечиб, келгусида қурилиш ишлари учун ҳужжатларни расмийлаштириб беришга ваъда бериб, ундан олдиндан 80 000 доллар беришини талаб қилаётгани айтиб, қонуний чора кўришни сўраган.
Мазкур мурожаатга асосан Бош прокуратура, Ички ишлар вазирлиги, Давлат хавфсизлик хизмати ҳамда Иқтисодий жиноятларга қарши кураш департаменти ходимлари билан ҳамкорликда ўтказилган тезкор тадбирда Юнусобод туманидаги Кардиология маркази олдида Ч.Ў. аризачи Э.Н.дан 80 000 долларни олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (Фирибгарлик) билан жиноят иши қўзғатилиб, гумонланувчи шахс процессуал тартибда ушланган. Ҳозирда жиноят иши бўйича тергов ҳаракатлари олиб борилмоқда.
