NRG-BI Тошкент Ботаника боғида 150 дан ортиқ ноёб дарахт ва бута кўчатларини экди
NRG-BI Green экологик ташаббуси доирасида NRG-BI компанияси Тошкент Ботаника боғи ҳудудида 150 дан ортиқ янги турдаги дарахт ва бута кўчатларини экди
Тадбирда NRG-BI ходимлари, компания ҳамкорлари, шаҳар аҳолиси ва меҳмонлари иштирок этиб, Тошкентни янада яшил ва яшаш учун қулай шаҳарга айлантириш ғояси атрофида бирлашдилар.
Ташаббуснинг ўзига хос жиҳати шундаки, экилган ўсимлик турлари аввал Ботаника боғи тўпламида мавжуд бўлмаган. Шу тариқа, тадбир нафақат ҳудудни кўкаламзорлаштиришга ҳисса қўшди, балки боғдаги ўсимликлар хилма-хиллигини кенгайтиришга ҳам хизмат қилди.
Биз шаҳар ҳақидаги ғамхўрлик аниқ ҳаракатлардан бошланишига ишонамиз. NRG-BI Green ташаббуси биз учун табиатнинг аҳамияти ҳақида шунчаки гапириш эмас, балки йиллар ўтиб ҳам натижаси кўринадиган ўзгаришларни биргаликда яратиш имкониятидир. Ҳамкорларимиз, шаҳар аҳолиси ва бошқа иштирокчиларнинг ушбу ташаббусга қўшилгани айниқса муҳим. Бу орқали лойиҳа барчамизнинг умумий ишимизга айланмоқда, — дея таъкидлайди компания.
Табиатга ғамхўрлик — шаҳар муҳитининг ажралмас қисми
Бугунги кунда экология ва кўкаламзорлаштириш масалалари шаҳарлар учун тобора муҳим аҳамият касб этмоқда. Дарахтлар ва яшил ҳудудлар шаҳар муҳитини янада қулай қилишга, дам олиш масканларини яратишга ҳамда аҳолининг табиат билан уйғунлигини мустаҳкамлашга хизмат қилади.
NRG-BI учун бундай муҳитни ривожлантиришда иштирок этиш — замонавий яшаш маконларини яратишга қаратилган ёндашувнинг давоми. NRG-BI Green ана шундай ташаббусларни бирлаштириш, уларга компания ходимлари, ҳамкорлари ва шаҳар аҳолисини жалб этишга қаратилган.
Тадбир давомида иштирокчилар нафақат кўчатлар экдилар, балки табиат қўйнида вақт ўтказиш, ўзаро мулоқот қилиш ва Ботаника боғи ривожига шахсий ҳисса қўшиш имкониятига ҳам эга бўлдилар.
Бугун экилган дарахтлар шаҳар билан бирга ўсиб, келажак авлодлар учун яшил макон яратади.
NRG-BI Green — бугунги эзгу қадамлар, эртанги яшил келажак.
Телефон: 1360
Сайт: nrg-bi.uz
