Нью-Йоркда кучли ёнғинлар туфайли фавқулодда ҳолат эълон қилинди

Нью-Йорк штати губернатори Кети Хокул Лонг-Айлендда бир нечта ёнғин ўчоқлари пайдо бўлгани сабабли фавқулодда ҳолат эълон қилди.

Кучли шамол туфайли ёнғин кенг майдонга тарқалиб, Лонг-Айлендни Нью-Йоркнинг бошқа ҳудудлари билан боғловчи NY27 шоссесининг ёпилишига олиб келди.

Расмийларнинг маълумотларига кўра, алаанга камида иккита иншоотга зарар етказган, улардан бири Франсис Габрески аэропорти яқинида жойлашган. Аэропорт ходимлари вақтинчалик эвакуация қилинди. Ёнғинни ўчириш вақтида бир ўт ўчирувчи жароҳат олиб, юзининг иккинчи даражали куйиши билан шифохонага етказилди. Ҳозирча аҳолини эвакуация қилиш ишлари бошланмаган.

Об-ҳаво шароити ёмонлашиб, шамол кучайиши прогноз қилинмоқда. Губернатор Хокулнинг маълум қилишича, вазият бир неча кун давом этиши мумкин ва олов ҳозирги ҳудудидан ташқарига ҳам тарқалиши эҳтимоли мавжуд. Ёнғин ўчоқларидан бири энг яқин турар-жой биноларидан 4 километр узоқликда жойлашган.

Аввалроқ, 6 кун давомида Японийда ўрмон ёнғинлари содир бўлгани ҳақида хабар берган эдик.