Россиялик генералнинг ўлимида айбланган ўзбекистонлик умрботга қамалди
2024-йилда кимёвий мудофаа қўшинлари бошлиғи генерал-лейтенант Игор Кирилловга нисбатан терактни содир этганликда айбдор деб топилган Ўзбекистон фуқароси умрбод қамоқ жазосига ҳукм қилинди, деб хабар қилди РБК.
Фото: Валерий Шарифулин/ТАСС
Ғарбий округ 2-ҳарбий судининг уч судядан иборат ҳайъати теракт содир этганликда айбига иқрор бўлган Аҳмаджон Қурбоновни умрбод қамоқ жазосига ҳукм қилди, — дейилади хабарда.
Бундан ташқари, унга 1 миллион рубл миқдорида жарима солинди.
Шунингдек, портловчи моддаларни етказиб берган озарбайжонлик Роберт Сафарян 25 йилга қаттиқ тартибли колонияга ҳукм қилинди. Жиноятчига уй ижарага берган ингушетиялик Батухан Точиев ва Рамазон Падиевларга хам 22 йил ва 18 йил ҳамда 200 минг рубл миқдорида жаримага тортилди.
Иш бўйича айбланувчилар ролидан келиб чиқиб, террорчиликни ташкил этиш ва унда қатнашиш, теракт тайёрлаш, шунингдек, портловчи моддаларнинг ноқонуний айланиши ва портловчи мослама ишлаб чиқаришда айбланган.
Қурбонов ўз айбига иқрор бўлиб, тергов билан фаол ҳамкорлик қилган. Бошқа айбланувчилар эса Қурбоновнинг терроризмга алоқадорлигидан бехабар эканликларини таъкидладилар. Точиев ва Падиев судда фақат квартираларни ижарага бериш билан шуғулланганликларини даъво қилган бўлсалар, Сафарян эса портловчига берган пакетнинг мазмунидан бехабар эканини айтган.
