Полша Германия ва Литва билан чегара назоратини кучайтирди
Полша ҳукумати 7 июлдан бошлаб Германия ва Литва билан бўлган чегараларда миграция хавфини камайтириш мақсадида вақтинчалик назоратни тиклади. Бу ҳақда Reuters хабар берди.
Полша Ички ишлар вазири Томасз Сиэмониакнинг маълум қилишича, назоратни кучайтириш Шенген зонасида ҳужжатсиз мигрантлар оқими кучайганига жавоб сифатида амалга оширилган. Ҳозирда 800 полиция ходими, 200 жандарм, 500 территориал армия аскари ва бошқа хизмат ходимлари чегараларда тайёр турибди.
Литва билан чегарада чегара қўшинлари эстон фуқаросини қўлга олиб, унинг транспортида Афғонистонлик тўрт нафар ҳужжатсиз мигрант аниқланган.
Миграцияга нисбатан ижтимоий кайфият кучайиб, Торун шаҳрида Венесуэлалик шахс аёлни ўлдиргани ва бир неча кун олдин Литвадаги можара натижасида бир полшалик жон бергани ортидан оммавий норозилик намойишлари бўлиб ўтган.
Инсон ҳуқуқлари ташкилотлари «фуқароларнинг патрол хизматлари»ни кескин қоралаган.
