Оғир турдаги жиноятни содир этиб, Польшада яширинган шахс Ўзбекистонга қайтарилди
Польшада оғир турдаги жиноятни содир этган ўзбекистонлик мамлакатга қайтарилди. Бу ҳақда Ўзбекистон Ички ишлар вазирлиги хабар берди.
Хусусан, Интерпол Ўзбекистон Республикасидаги Миллий марказий бюроси масъул ходимлари томонидан олиб борилган бир қатор тегишли тезкор ишлар ҳамда Ўзбекистоннинг Польшадаги элчихонаси вакилларнинг ҳамкорлигида оғир турдаги жиноятни содир этиб Польша давлатида яшириниб юрган жиноятчи аниқланади.
Қайд этилишича, ушбу шахс халқаро шартномаларда белгиланган тартибда Ўзбекистон Республикасига депортация қилинган.
Вазирлик, хорижий давлатлар билан ўзаро ҳамкорликда олиб бораётган кенг кўламли ишлари ўзининг ижобий натижаларини бераётганини билдирди. Шунингдек, Ўзбекистон Республикасига олиб келинган шахс содир этган жинояти учун қонун олдида жавоб бериши таъкидланди.
