Ҳиндистонда ҳаракатдаги поезддан тушиб кетган 4 киши ҳалок бўлди

Ҳиндистоннинг Маҳараштира штатида ҳаракатланаётган Pushpak Express йўловчи поездидан тушиб кетган 4 киши ҳалок бўлди, яна 2 киши жароҳат олди. Бу ҳақда The Indian Express нашри маҳаллий полицияга таяниб хабар берди.

Ҳодиса Мумбай ва Лакҳнау шаҳарлари ўртасида ҳаракатланаётган поезднинг Дива ва Копар бекатлари оралиғида юз берган. Поезд ҳаддан зиёд тўла бўлган, ҳаттоки вагон эшикларида ҳам одамлар осилиб кетаётган ҳолат кузатилган.

Полиция берган маълумотга кўра, жабрланганларнинг барчаси шифохонага етказилган, шулардан 6 нафари ҳаётдан кўз юмган. Ҳалок бўлганлар 30–35 ёш оралиғидаги фуқаролар бўлган.

Ҳиндистон Темирйўл вазирлиги ҳодисага йўловчилар сонининг кескин кўплиги ва транспорт инфратузилмасининг етарли эмаслиги сабаб бўлганини билдирган. Ҳодисадан сўнг Мумбай атрофида қатновчи поездларни автоматик ёпиладиган эшиклар билан жиҳозлаш режалаштирилган.