Тошкентда ППХ ходими каналда чўкаётган 13 ёшли болани қутқариб қолди
Инспектор ўзини сувга ташлаган ва болани сувдан олиб чиққан
Тошкент шахрининг Яккасарой тумани ИИО ФМБ Пост-патрул хизмати инспектори каналда чўкаётган ўсмирни қутқариб қолди, деб хабар берди туман ҳокимлик матбуот хизмати.
Қайд этилишича, «Бўрижар» каналида чўмилиш вақтида 13 ёшли боланинг чўкаётганини кўрган инспектор Расул Жўраев ўзини сувга ташлаган ва болани сувдан олиб чиққан.
Бу жасорат, фидойилик ва инсон ҳаётини асраш йўлидаги чинакам қаҳрамонлик намунасидир Расул Жўраевнинг мардлиги ва тезкорлиги юксак эътирофга лойиқ, — дейилади хабарда.
