Саида Мирзиёева Қирғизистон президенти билан учрашди
Қирғизистон президенти Садыр Жапаров 20 август куни Ўзбекистон Президенти Администрацияси раҳбари Саида Мирзиёевани қабул қилди.
Учрашув чоғида Қирғизистон-Ўзбекистон ҳамкорлигининг долзарб масалалари, жумладан, маданий-гуманитар ва таълим соҳасидаги алоқаларни мустаҳкамлаш масалалари муҳокама қилинди.
Давлат раҳбари, Ўзбекистон Президенти Шавкат Мирзиёев билан биргаликдаги саъй-ҳаракатлар туфайли икки давлат ўртасидаги муносабатлар стратегик шериклик руҳида ривожланиб бораётганини таъкидлади.
Саида Мирзиёева Қирғизистон томонига самимий қабул учун миннатдорлик билдириб, Садыр Жапаровга Ўзбекистон Президентининг саломи ва эзгу тилакларини етказди.
Президенти Администрацияси раҳбари ўзаро ҳурмат ва яхши қўшничиликка асосланган икки томонлама муносабатлар юксак даражада эканини алоҳида таъкидлаб, уларни мустаҳкамлашда икки давлат раҳбарларининг ўрни катта эканини таъкидлади.
Мирзиёева ёшлар сиёсатини ривожлантириш муҳимлигини қайд этиб, Бишкек шаҳрида ўтказилган «Заковат» интеллектуал ўйини аллақачон жамоавий руҳ ва икки давлат ёшлари ўртасида дўстона муносабатлар ўрнатилиши рамзига айлангани ҳақида гапирди.
Учрашув якунида Президент Садыр Жапаров Ўзбекистон Республикаси Президенти Администрацияси раҳбари Саида Мирзиёевага масъулиятли давлат фаолиятида улкан муваффақиятлар тилади.
