Чилонзордаги баъзи ҳудудларда ичимлик суви таъминоти вақтинчалик тўхтатилади
Бугун, 2 февраль куни Чилонзор туманидаги айрим манзилларда ичимлик суви таъминоти вақтинчалик тўхтатилади. Бу ҳақда «Тошкент шаҳар сув таъминоти» МЧЖ матбуот хизматининг расмий Telegram каналида маълум қилинди.
Фото: «Tez News»
Таъкидланишича, Чилонзор тумани Тупқайрағоч 31-уй олдида жойлашган Д-150 мм ичимлик суви тармоғидаги носозликни бартараф этиш жараёнида Наққошлик кўчасидаги Д-300 сув қувури 2 февраль соат 18:00 гача вақтинча ёпилади.
Натижада, Наққошлик кўчасининг қуйидаги манзилларида ичимлик суви таъминоти тўхташи мумкин:
- 22 та кўп қаватли уйлар
- Дўмбиробод маҳалласи
- Катта Дўмбиробод маҳалласи
- 14-мактаб-интернати
- «Совпластитал» заводи
