Самарқандда «Газель» жарликка тушиб кетди
Ҳайдовчи автомашинани қўл тормозига қўйиб, сувга тушган вақтида, автомашина ҳаракатланиб, жарликка тушиб кетган. Бу ҳақда вилоят ИИБ ЙҲХБ хабар берди.
Фото: Самарқанд вилояти ИИБ ЙҲХБ
Хабарга кўра, 2 июнь куни соат 10:00 ларда Ургут тумани Омонқўтон маҳалласи ҳудудидан ўтувчи М-39 автомобиль йўлининг 1031-км.да ҳаракатланиб келаётган «Газель» русумли автомашинанинг радиатор суви қайнаб, тик баландликда тўхтаган.
Фото: Самарқанд вилояти ИИБ ЙҲХБ
Қайд этилишича, ҳодиса натижасида автомашинага моддий зарар етган. Жароҳат олганлар йўқ.
Ҳолат юзасидан Ургут тумани ИИО ФМБ ЙҲХБ ходимлари томонидан суриштирув ишлари олиб борилмоқда.
Фото: Самарқанд вилояти ИИБ ЙҲХБ
Аввалроқ, Сирдарёда «Lacetti»га ўрнатилган газ баллони портлади деб хабар берган эдик.
