Ўзбекистон енгил атлетикачилари Марказий Осиё очиқ чемпионатини биринчи ўринда якунладилар
Спортчилар 22 та олтин, 20 та кумуш ва 19 та бронза медалини қўлга киритдилар
Ўзбекистон вакиллари Тошкентда ўтказилган енгил атлетика бўйича III Марказий Осиё очиқ чемпионатида умумжамоа ҳисобида биринчи ўринни эгалладилар. Бу ҳақда матбуот хизмати хабар бермоқда.
23–25 август кунлари бўлиб ўтган мусобақаларда тўққизта мамлакатдан 300 га яқин спортчи иштирок этди.
Ўзбекистон енгил атлетикачилари 22 та олтин, 20 та кумуш ва 19 та бронза медалини қўлга киритиб, умумжамоа ҳисобида биринчи ўринни эгалладилар.
Ушбу мусобақа орқали терма жамоа мураббийлар штаби атлетларнинг Аичи-Нагоя-2026 ёзги Осиё ўйинларига тайёргарлигини ҳам кўздан кечириб олгани билдирилди.
