Ўзбекистонда 2024 йилдаги қурилиш ишларининг умумий қиймати маълум қилинди
Ўзбекистонда 233,8 трлн сўмлик қурилиш ишлари бажарилган, деб хабар бермоқда Статистика агентлиги.
Қайд этилишича, бу кўрсаткич 2023 йилнинг мос даври билан солиштирилганда 8,8 фоизга ошган. 2025 йилнинг 1 январь ҳолатига Ўзбекистонда қурилиш фаолияти билан шуғулланаётган корхона ва ташкилотлар сони 27 408 тани ташкил этган.
Қурилиш ишлари ҳажми таркибида:
— кичик корхона ва микрофирмалар — 46,2 фоиз
— йирик қурилиш ташкилотлари — 23,5 фоиз
— норасмий сектор — 30,3 фоиз.
2024 йилнинг январь—август ойларида Ўзбекистонда кичик қурилиш корхона ва микрофирмалар томонидан 60,9 трлн сўмлик қурилиш ишлари бажарилган эди. Бу кўрсаткич 2023- йилнинг январь—август ойига нисбатан солиштирилганда 5,3 фоизга ўсган.
