Сирдарёда ёш кизнинг шахсий расмларини тарқатмаслик эвазига 48 млн сўм талаб қилган эркак ушланди
Сирдарё вилоятида бир қизнинг шахсий расмларини тарқатмаслик учун катта миқдорда пул талаб қилган эркак қўлга тушди. Бу ҳақда Сирдарё вилояти Ички ишлар бошқармаси хабар берди.
Хусусан, Янгиер шаҳрида ўтказилган тезкор тадбирда, Ховос туманида яшовчи 1998 йилда туғилган фуқаро, 2006 йилда Наманган вилояти Норин туманида туғилган фуқаронинг шахсий суратларни ижтимоий тармоқларда тарқатиш билан қўрқитган. Эркак ушбу ишни қилмаслик эвазига 48 млн сўм сўраган.
Тезкор тадбир давомида гумонланувчи талаб қилинган пулдан 10 млн сўмни олаётган вақтида ашёвий далиллар билан ушланган.
Маълум бўлишича, эркак бундан олдин ҳам бошқа шахсларнинг шахсий фото ва видео тасвирларини ижтимоий тармоққа жойламаслик эвазига пул ундириб келган.
Ҳозирда, ҳолат юзасидан терговга қадар текширув ҳаракатлари олиб борилмоқда.
