Тошкентда 30 дан ортиқ корхона реклама қоидаларини бузгани учун жаримага тортилди

Қонунбузарлик ҳолатлари Қўмитанинг Тошкент шаҳар ҳудудий бошқармаси томонидан 2025 йилнинг январь ва февраль ойлари давомида реклама тўғрисидаги қонунчилик талабларига мувофиқлигини ўрганиш ва мониторинг ишлари олиб борилганда аниқланган.  

Олиб борилган ўрганиш натижаларига кўра, ҳудудий бошқарма махсус комиссияси томонидан Тошкент шаҳрида фаолият кўрсатаётган 30 дан ортиқ хўжалик юритувчи субъектларга, жумладан:  

— COCA-COLA ICHIMLIGI UZBEKISTON LTD МЧЖ Х;,  

— INTERNATIONAL BEVERAGES TASHKENT МЧЖ ХК (Pepsi);

— MAK FOOD SERVIS МЧЖ;

— LUMIERI МЧЖ; 

— TURAN MEDIA МЧЖ;  

— OQTEPA FOOD SERVICE МЧЖ; 

— BARATRUM МЧЖ (SAFIA)  нисбатан «Реклама тўғрисида»ги қонун ҳамда Вазирлар Маҳкамасининг «Ташқи реклама бозорини тартибга солиш тўғрисида»ги 104-сонли қарори билан тасдиқланган низомда белгиланган ташқи реклама ва ахборотни жойлаштириш тартиби бузилганлиги бўйича ишлар қўзғатилиб, молиявий жарималар қўллаш ҳақида қарорлар қабул қилинди.  

Шунингдек, қонунбузарлик ҳолатларини бартараф этиш ва келгусида уларга йўл қўймаслик юзасидан бажарилиши мажбурий бўлган кўрсатмалар берилди, дейилади хабарда.