Қривой Рогда Россия ракеталари зарбаси оқибатида 4 киши ҳалок бўлди
Украинадаги Қривой Рог шаҳрига Россия ракеталари уруши натижасида камида 4 нафар фуқаро ҳалок бўлди, 14 киши жароҳат олди. Жабрланганлар орасида икки нафар бола ҳам бор. Бу ҳақда DW хабар берди.
Днепропетровск вилояти губернатори Сергей Лисакнинг маълумотига кўра, 8 ёшли боланинг аҳволи оғир.
Украина президенти Владимир Зеленский ҳужумни кескин қоралаб, уни терроризм деб атади ва халқаро ҳамжамиятни Москвага нисбатан қаттиқроқ чоралар кўришга чақирди.
Ракета зарбалари натижасида спорт зали, маъмурий бинолар ва турли уй-жойлар ҳам шикастланган. Россия ҳозирча бу ҳужум юзасидан изоҳ бермаган.
