Компаниянинг илк инвестиция тўплами 15 дақиқадаёқ деярли 105 млрд сўм олиб келди
Тадбирда тақдим этилган биринчи инвестиция тўплами 15 дақиқа ичида тўлиқ сотилди ва деярли 105 млрд сўм олиб келди.
17-август куни Wаy II компанияси офисида инвестиция тўпламининг биринчи босқич сотувлари ўтказилди. Инвесторлар Wаy II инвестиция компаниясининг исломий молиялар қоидаларига асосланган имкониятлари ҳақида маълумот олишди ва Марказий Осиёдаги етакчи алюминий конструкциялари ишлаб чиқарувчиси – Akfa Aluminium Group компаниясининг ишлаб чиқариш қувватларини юқори баҳолашди.
Тадбир давомида иштирокчиларга Wаy II ва компания ҳамкорлари фаолияти бўйича батафсил маълумотлар тақдим этилди.
Биринчи инвестиция тўплами 15 дақиқада 104 775 000 000 сўм олиб келди, бу эса инвесторларнинг лойиҳага бўлган юқори қизиқишлари бгисидир. Компания вакилларининг фикрига кўра, биринчи тўпламнинг қисқа муддат ичида сотилиши Wаy II ва унинг ҳамкорларига бўлган катта қизиқиш ва ишончни яна бир бор таъкидлайди. Шунингдек, исломий молия воситаларига бўлган қизиқиш тобора ортиб бораётганини англатади. Тадбир давомида яқин келажакда янги инвестиция тўпламларини тақдим этиш режалари ҳақида ҳам айтиб ўтилди.
Wаy II компанияси инвестициялар учун ишончли шарт-шароитлар яратади ва мижозларга турли имкониятларни, жумладан эксклюзив ҳамкорлик шартларини ҳам таклиф қилади.
Wаy II капитални оптималлаштириш ва лойиҳаларнинг молиявий барқарорлигини таъминлаш учун улушдорлик асосида инвестицияларни жалб қилишга ихтисослашган инвестиция компанияси бўлиб, шаффофлик, ишонч ва профессионаллик тамойилларига амал қилади. Wаy II компаниясининг биринчи инвестиция тўплами инвесторларга Марказий Осиёдаги етакчи алюминий конструкциялари ишлаб чиқарувчиси Akfa Aluminium Group компаниясидан улушини сотиб олиш имкониятини тақдим этади.
