АҚШнинг атом авиаташувчиси савдо кемаси билан тўқнашиб кетди
АҚШ Ҳарбий-денгиз кучлари Олтинчи флоти баёнотига кўра, тўқнашув 12 феврал куни маҳаллий вақт билан соат 23:46 да, Ўрта Ер денгизида — Порт-Саид шаҳри яқинида (Миср) юз берган.
Авиаташувчи, жумладан, унинг двигател қисмига шикаст етмаган. Ҳолат бўйича тергов бошланган.
MarineTraffic сервиси маълумотларига кўра, Besiktas-M савдо кемаси Панама байроғи остида сузган. Кема Порт-Саиддан чиққан ва Руминиянинг Констанца портига кетаётган бўлган.
«Ҳарри Трумэн» авиаташувчиси охирги бир йил ичида Яқин Шарқдаги операцияларда фаол иштирок этди. 2024 йил декабрда у Яман ҳусийларининг савдо кемаларига ҳужумлари фонида минтақага сузиб келганди.
