Шавкат Мирзиёев Швейцарияга жўнаб кетди

Ўзбекистон етакчиси Шавкат Мирзиёев АҚШ президенти Дональд Трампнинг таклифига биноан 21 январь куни Давос шаҳрида Америка етакчиси ташаббуси билан ташкил этилаётган Тинчлик кенгаши низомини имзолаш маросимида иштирок этиш учун амалий ташриф билан Швейцарияга жўнаб кетди.

Эслатиб ўтамиз, аввалроқ давлат раҳбари кенгашга таъсисчи давлат сифатида қўшилиш таклифини қабул қилган эди.

Ўзбекистон етакчиси АҚШ президентига йўллаган мактубида ушбу ташаббус Яқин Шарқдаги кўп йиллик можароларни ҳал этиш, кенг минтақада тинчлик ва барқарорликни таъминлаш йўлидаги муҳим қадам сифатида баҳоланаётганини таъкидлади.