Солиқ тўламаган корхоналар жаримага тортилди

Ўзбекистонда 2025 йилнинг биринчи ярмида 2 минг 150 та юридик шахсда молиявий бузилишлар аниқланган. Бу ҳақда Давлат солиқ қўмитаси хабар берди.

Рақамларга кўра, 6 ой давомида ўтказилган аудит натижасида 1 минг 64 та корхона жами 13,1 трлн сўмлик солиқ базасини яширган. Хусусан:

• 386 та корхона 4,3 трлн сўмлик товар айланмасини умуман кўрсатмаган;

• 325 та корхона омборида мавжуд бўлмаган 3,9 трлн сўмлик товарни «бор» деб ҳисоботга киритган;

• 353 та корхонада эса 4,9 трлн сўмлик маҳсулот ҳужжатларсиз сақланган ёки сотилган.

Ушбу қоида бузарликлар бўйича корхоналарга жами 2,6 трлн сўмлик жарима қўлланилган.

Энг кўп бузилишлар аниқланган соҳалар:

• cавдо ва овқатланиш — 4,2 трлн сўм (58,6%);

• ишлаб чиқариш — 916,8 млрд сўм;

• қурилиш — 775,2 млрд сўм.

Қолган ҳолатлар қишлоқ хўжалиги, хизмат кўрсатиш, транспорт ва бошқа соҳаларга тўғри келган.

Солиқ қўмитасига кўра, аниқланган 6,6 трлн сўм солиқдан ҳозиргача 1,2 трлн сўми (18,7%) ундирилган.