Тошкентдаги сотув офисларидан бирида ёнғин чиқди
Тошкентнинг Чилонзор туманидаги сотув офисларидан бири ёниб кетди. Бу ҳақда пойтахт ФВБ хабар берди.
Маълум қилинишича, 26 февраль куни соат 02:18 да Чилонзор тумани “Тирсакобод” МФЙ ҳудудида жойлашган, қурилиш олиб борилаётган бинода ёнғин содир бўлаётгани тўғрисида хабар тушган.
Шунга кўра, ёнғин-қутқарув экипажлари соат 02:21 да воқеа жойига етиб бориб, ёнғин соат 02:46 да қуршаб олинган ва соат 02:54 да ўчирилган.
Ҳодиса оқибатида тан жароҳати олган ва ҳалок бўлганлар йўқ, ҳозирда ёнғин сабаби ва зарар миқдори аниқланмоқда.
