Вьетнамдаги тўфонда 5 киши ҳалок бўлди
Вьетнамнинг марказий ҳудудини қамраб олган кучли тўфон оқибатида камида 5 киши ҳалок бўлиб, 2 киши бедарак йўқолган. Бу ҳақда Arab News нашри хабар берди.
Қайд қилинишича, 14 июнь куни «Вутип» тўфони Тонкин кўрфази орқали Вьетнамга ёпирилгач, тропик бўронга айланган. Табиий офат шамоллари соатига 128 километр тезликда эсган.
Кванг Tpи провинциясида расмийлар ҳалок бўлганлар сони 5 нафарни, бедарак йўқолганлар сонини эса 2 нафарни ташкил этганини билдирди.
Тўфон натижасида 70 минг гектардан ортиқ экин майдонларини сув босган.
Хитойнинг жанубий Хайнан оролида эса минглаб одамлар эвакуация қилинди, мактаблар ёпилди ва темирйўл қатнови тўхтатилди.
Бирлашган Тайфун огоҳлантириш марказининг прогнозига кўра, бўрон дам олиш кунлари охирига келиб сусайиши кутилмоқда.
