Ўзбекистон мобил интернет тезлиги бўйича рейтингда 5 поғона пастлади
2025 йил декабрь ҳолатига кўра, Ўзбекистон Speedtest Global Index мобил интернет тезлиги рейтингида 76-ўринни эгаллади.
Хусусан, ноябрь ойи билан солиштирилганда, мамлакат 5 поғонага пастлаган. Шу ўринда, мобил интернетнинг ўртача тезлиги сониясига 51,47 мегабитни ташкил этган.
Шунингдек, симли интернет кўрсаткичлари ҳам ёмонлашди. Республика рейтингда 77-ўриндан 83-ўринга тушди, ўртача тезлик эса сониясига 90,94 мегабитни ташкил қилди.
Мобил интернетнинг энг юқори тезлиги Бирлашган Араб Амирликларида қайд этилди ва у сониясига 691,76 мегабитга етди. Симли интернет тезлиги бўйича эса Сингапур етакчилик қилмоқда — сониясига 410,06 мегабит.
