Ўзбекистон фуқаролари 8 март байрамида неча кун дам олиши маълум бўлди

Ўзбекистон аҳолиси 8 март Халқаро хотин-қизлар куни муносабати билан қўшимча дам олиш кунларига эга бўлади.

Хусусан, 8 март якшанба кунига тўғри келгани муносабати билан амалдаги қонунчиликка мувофиқ дам олиш куни 9 март, душанба кунига кўчирилади.

Беш кунлик иш ҳафтасида ишловчилар учун уч кун дам олиш белгиланган:

• 7 март — шанба, дам олиш куни;

• 8 март — якшанба, байрам куни;

• 9 март — душанба, кўчирилган дам олиш куни.

Олти кунлик иш ҳафтасида ишловчилар қуйидаги кунлари дам олади:

• 8 март — якшанба, байрам куни;

• 9 март — душанба, кўчирилган дам олиш куни.