Тинч океанида 3 мингдан ортиқ автомобиль ортилган кема чўкиб кетди
Хитойдан Мексикага автомобиллар олиб кетаётган Моrning Midas кемаси Тинч океанида чўкиб кетди. Бу ҳақда Marinelog нашри хабар берди.
Қайд қилинишича, 23 июнь куни Аляска соҳилларидан тахминан 770 км узоқликда жойлашган ҳудудда кема 5 минг метр чуқурликка чўкди. Ҳодиса кемада юзага келган ёнғин ва эҳтимолий корпус шикастланиши ҳамда ёмон об-ҳаво туфайли юз бергани айтилмоқда.
Zodiac Maritime компаниясига кўра, кемада жами 3,048 минг дона автомобиль бўлган. Улардан 70 таси электромобиль, 681 таси эса гибрид русумдаги автомобиллардир. Кема бортида бўлган 22 кишилик экипаж аъзолари омон қолган ва ўз вақтида эвакуация қилинган.
Ёнғиннинг айнан қайси автомобилдан бошланганига оид аниқ маълумот йўқ.
Кема Хитойнинг Янтай портидан чиқиб, Мексикадаги Buick Envision автомобиллари бозорига етказилиши режалаштирилган эди. Транспорт воситалари Anji Logistics томонидан ташилаётган бўлиб, у SAIC корпорациясининг логистика бўлимига тегишли.
