Тошкентда электромобиль ёниб кетди
17 апрель куни соат 23:51 да Тошкент шаҳар Мирзо Улуғбек тумани Яланғоч мавзесида электромобилда ёнғин келиб чиқди, дея хабар қилди шаҳар Фавқулодда вазиятлар бошқармаси.
Ёнғин-қутқарув экипажлари ҳодиса жойига соат 23:56 да етиб борди ва ёнғин соат 23:59 да тўлиқ бартараф этилди.
Фавқулодда вазиятлар бошқармасига кўра, ҳодиса оқибатида ҳалок бўлганлар ва тан жароҳати олганлар йўқ.
Ёнғин чиқиш сабаби ва етказилган моддий зарар миқдори аниқланмоқда, дейилади хабарда.
