Трамп Зеленский билан ҳам телефон орқали суҳбат қилди
АҚШ президенти Дональд Трамп краина президенти Владимир Зеленский билан ҳам телефон орқали суҳбат қилди. У бундан олдин Путин билан ҳам суҳбат қилган эди.
Сиёсатчилар улар ўртасида бўлиб ўтган телефон суҳбати тафсилотларини маълум қилди.
Биз тинчликка эришиш имкониятлари ҳақида узоқ гаплашдик, жамоа бўлиб бирга ишлашга тайёрлигимиз ва Украинанинг технологик имкониятлари, жумладан, дронлар ва бошқа илғор соҳаларни муҳокама қилдик. Президент Трампдан биргаликда нимага эришишимиз мумкинлигига қизиқиши учун миннатдорман, деди Зеленский.
Украина президентига кўра, Трамп суҳбатда Путин билан нималарни муҳокама қилганини айтган.
Ҳеч ким Украинадан кўра кўпроқ тинчликни хоҳламайди. Қўшма Штатлар билан биргаликда биз Россия агрессиясини тўхтатиш ва барқарор тинчликни таъминлаш устида кейинги қадамларимиз харитасини белгиламоқдамиз. Президент Трамп айтганидек, келинг, буни қилайлик. Биз алоқаларни давом эттиришга келишиб олдик ва бўлажак учрашувларни режалаштирдик, дея қўшимча қилди Зеленский.
