Трамп Путин билан бўлган суҳбат ҳақида маълум қилди
АҚШ президенти Доналд Трамп ва Россия президенти Владимир Путин телефон орқали мулоқот қилди. Бу ҳақда The New York Post газетасига берган интервьюсида маълум қилинди.
АҚШ президентининг айтишича, Путин жанг майдонида аскарларнинг ўлимига «ҳақиқатан ҳам бефарқ эмас»ю У одамлар қурбон бўлишини тўхтатишни хоҳлайди, дейилади хабарда.
Трамп Россия-Украина можаросига барҳам беришнинг аниқ режаси ўзида борлигига ишонтирди ва уни тезда амалга оширишга умид билдирди. Украинада даҳшатли уруш давом этяпти, бу лаънати фожиага чек қўймоқчиман, деб қўшимча қилди АҚШ президенти.
Шундан сўнг, Трамп ёнида ўтирган Миллий хавфсизлик бўйича маслаҳатчи Майк Уолцга мурожаат қилиб:
Келинг, бу учрашувларни ўтказайлик. Улар учрашмоқчи. Одамлар ҳар куни ўляпти, ёш, чиройли аскарлар ҳалок бўлмоқда. Ёш йигитлар, худди ўғилларимга ўхшаш, деди.
Шунингдек, Трамп Украина президенти Володимир Зеленский билан ҳар қандай эҳтимолий тинчлик келишувида хавфсизлик кафолатлари эвазига Украинадаги ноёб тупроқ минераллари ва газга эга бўлиш учун 500 миллион долларлик келишув тузиш истаги ҳақида гапирди.
Нашрнинг ёзишича, АҚШ вице-президенти Жеймс Дэвид Вэнс 14-16 февраль кунлари бўлиб ўтадиган Мюнхен хавфсизлик конференциясида Зеленский билан учрашади.
