Тошкентда учта машина иштирокидан автоҳалокат содир бўлди
Тошкент шаҳри Яшнобод туманида машиналар иштирокида ЙТҲ содир бўлди. Бу ҳақида пойтахт ИИББ ЙҲХБ хабар берди.
Унга кўра, 23 декабрь куни ҳайдовчи Ж.Й. бошқарувидаги Cobalt, ҳайдовчи У.О. бошқарувидаги Nexia ва ҳайдовчи Н.Б. бошқарувида бўлган Lacetti автомашиналари тўқнашган.
Ҳодиса оқибатида жароҳатланганлар йўқ.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
