Зеленский АҚШ билан келишувни имзолашга тайёрлигини маълум қилди
Украина президенти Володимир Зеленский Киев ва Вашингтон ўртасидаги тоғ-кон бўйича келишувни «имзолашга тайёрлиги» ва АҚШ билан «конструктив мулоқот» ўтказилишини исташини айтди. Бу ҳақда Deutsche Welle ёзмоқда.
Украина раҳбари 3 март, душанба куни ўз веб-сайтида унинг шарҳидан парчаларни чоп этган Британиянинг BBC медиа компаниясининг тегишли саволига жавоб берди.
Мен шунчаки Украина позицияси эшитилишини хоҳлайман. Биз шерикларимиз бу урушда тажовузкор ким эканлигини эслаб қолишларини истаймиз, — деди Украина давлати раҳбари.
2 март куни Лондонда бўлиб ўтган Европа етакчилари саммитидан сўнг чиқиш қилган Зеленский Вашингтондаги сўнгги учрашув ҳамкор сифатида на АҚШга, на Украинага фойда келтирмаганини, фақат Россия президенти Владимир Путин учун фойдали эканини айтди.
Шу билан бирга, Украина раҳбари таклиф қилинса, Оқ уйга қайтишини маълум қилди.
