Uzum Market FBS модели бўйича буюртмаларни етказиб беришни узайтириш тартибини янгилади
Uzum Market FBS модели бўйича буюртмаларни етказиб беришни узайтириш қоидаларига ўзгартириш киритгани ҳақида хабар берди. Янгиланиш сотувчилар учун йўриқноманинг 8.3-бандининг янги таҳририда, шунингдек, Офертанинг 3-бандида қайд этилган. Янгиликлар 2026 йил 2 февралдан кучга киради.
Асосий ўзгариш буюртмани етказиб беришни автоматик узайтириш механикаси билан боғлиқ.
Энди етказиб беришни фақат бир марта ва фақат қўлда — сотувчининг шахсий кабинети орқали узайтириш мумкин. Бунинг учун сотувчи «Йиғилишда» мақомига эга буюртмаларни танлаши ва «Етказиб беришни узайтириш» тугмасини бир кунга босиши керак.
Қўлда узайтирилгандан сўнг, буюртмани ўша куни кечқурун ёки кейинги куни соат 16:00 гача етказиб бериш мумкин — мавжуд етказиб бериш слотларини ҳисобга олган ҳолда.
Батафсил маълумот ҳавола орқали.
