Озарбайжон Ўзбекистонга 50 минг доза вакцина юборди
Озарбайжондан Тошкентга 50 минг дозадаги коронавирусга қарши вакцина етказиб берилди. Бу ҳақда ССВ матбуот хизмати хабар қилди.
Фото: ССВ матбуот хизмати
Хабарга кўра, 50 минг дозадаги AstraZeneca вакцинси Озарбайжон элчихонаси кўмаги билан олиб келинди.
«Вакциналар шошилинч тарзда ҳаммага адолатли равишда етказиб берилмас экан, дунё COVID-19 вирусининг мутациялари хавфи остида қолаверади», — дейилади хабарда.
Қайд этилишича, ЮНИCЕФ билан ҳамкорликда барча мамлакатларга вакциналарнинг тенг тақсимотини таъминлаш мақсадида амалга оширилган.
Фото: ССВ матбуот хизмати
Аввалроқ, Ўзбекистонга «Спутник V» вакцинасининг 90 минг дозалик компонентлари олиб келинган эди.
