Трамп Мексикага божларни бир ойга тўхтатди
АҚШ президенти Дональд Трамп Мексика президенти Клаудия Шейнбаум билан телефон орқали суҳбат қилди. Бу ҳақда RBC хабар берди.
Шейнбаумнинг маълум қилишича, ушбу суҳбатдан сўнг Вашингтон Мексика учун божларни бир ойга тўхтатишини эълон қилди.
Президент Трамп билан муносабатларимиз ва суверенитетимизга катта ҳурмат кўрсатилган ҳолда яхши суҳбат ўтказдик, бир қатор келишувларга эришдик. Божлар бугундан бошлаб бир ойга тўхтатилади, деб ёзди у Х ижтимоий тармоғида.
Трамп томонидан Канада ва Мексикадан импорт қилинадиган маҳсулотларга 25 фоизлик, Хитойдан келтирилган товарларга эса илгари жорий этилган йиғимларга қўшимча равишда 10 фоизлик бож белгиланган эди. Мексика, Канада ва Хитойдан келтирилган товарларга тарифлар 4 февраль кунидан кучга кириши кутилаётганди. Республикачи бу қарорни ноқонуний миграция ва синтетик фентанил гиёҳванд моддаси контрабандасига қарши кураш билан асослаганди.
Аввалроқ, Европа иттифоқининг янги божлар юзасидан танқиди ҳақида хабар берган эдик.
