Тошкентда дори воситаларини ноқонуний сотаётган шахс ушланди

Тошкент шаҳар Юнусобод туманида кучли таъсир қилувчи дори воситаларини ноқонуний сотаётган дорихона аниқланди. Бу ҳақда Прократура департаменти ахборот хизмати хабар берди.

Фото: Прократура департаменти ахборот хизмати

Хабарга кўра, Юнусобод туманидаги «B» МЧЖга қарашли дорихона норасмий сотувчилари Д.Х., Б.Я. ва К.Х.лар харидорга 42 дона «Регапен» ва 6 дона «Тропикамид» дори воситаларини жами 1,4 млн сўмга сотган вақтида ушланган. Шунингдек, ушбу дорихонадан тегишли ҳужжатлари бўлмаган кучли таъсир қилувчи 209 дона «Зардекс», 126 дона «Регапен» 42 дона «Селофен», ва 6 дона «Тропикамид» дори воситалари ашёвий далил сифатида олинган.

Ҳолат юзасидан Жиноят кодексининг 186-3-моддаси билан жиноят ишлари қўзғатилиб, тергов ҳаракатлари ўтказилмоқда.

Аввалроқ Қуйичирчиқда дори воситаларини ноқонуний сотаётган шахс ушлангани хабар қилинганди.