Apple iPhone 13 ишлаб чиқаришни қисқартириши мумкин
Компьютер чиплари танқислиги сабаб Apple компанияси iPhone 13 ишлаб чиқаришни қисқартириши мумкин.
Маълум қилинишича, Apple компанияси 2021 йилнинг охирги чорагида 90 миллион iPhone ишлаб чиқармоқчи эди. Бироқ, телефоннинг бутловчи қисмлари танқислиги сабаб компания режадагидан 10 миллионта камроқ смартфон ишлаб чиқариши мумкин. Apple iPhone 13 ишлаб чиқариш қисқариши мумкинлигини эълон қилгандан сўнг, компания акциялари нархи 1,2 фоизга пасайган.
Шунингдек, яримўтказгичлар ишлаб чиқарувчи Broadcom ва Texas Instruments акциялари ҳам 1 фоизга арзонлашди, чунки улар Apple’га етарли миқдордаги чипларни ўз вақтида етказиб бера олмаяпти.
