Тест топшириқлари сони қисқартирилди

Тест топшириқлари сони мақбуллаштирилиб, кириш тест синовларига жами 3 соат вақт ажратилиши белгиланди.

Хабарга кўрп, барча тест топширувчилар учун мажбурий бўлган 3 та фан бўйича:

• она тили (ўзбек, рус ёки қорақалпоқ тили) – 10 та савол. Ҳар бири учун 2.1 баллдан, максимал балл – 21 балл;
• математика – 10 та савол. Ҳар бири учун 2.1 баллдан, максимал балл – 21 балл;
• Ўзбекистон тарихи – 10 та савол. Ҳар бири учун 2.1 баллдан, максимал балл – 21 балл.

Жами тўплаш мумкин бўлган балл – 63 балл.

Шунингдек, бакалавриат таълим йўналишига мос бўлган 2 та фан бўйича:

• 1-фан – 20 та савол. Ҳар бири учун 3.15 баллдан, максимал балл – 63 балл;
• 2-фан – 20 та савол. Ҳар бири учун 3.15 баллдан, максимал балл – 63 балл.

Жами тўплаш мумкин бўлган балл – 126 балл.

Қайд этилишича, 2021-2022-ўқув йили қабулида абитуриентларга 5 та фан бўйича жами 70 та тест топшириғи берилади. Бунда тўплаш мумкин бўлган максимал балл – 189 баллни ташкил этади.

Аввалроқ, ОТМга кириш имтиҳонлари 5 августдан бошланади деб хабар берган эдик.