Илон Маск одамларни Марсга кўчириш қанчага тушишини айтди
«SpaceX» раҳбари Илон Маск ҳозирги шароитда одамларни Марсга жўнатиш 1 триллион долларга тушиши мумкинлигини айтди.
Маълум қилинишича, миллиардер буни одамларга нафақат ракета, балки тиббий асбоб-ускуналар, алоқа воситалари ва бошқалар кераклиги билан изоҳлаган.
«Биз Марсни мустамлака қила олмаймиз, чунки у жуда қимматга тушади. Ҳозирда Марсга одамларни жўнатиш 1 триллион долларни талаб этади. Гап шундаки, битта ракета етарли эмас, одамларга тиббий асбоб-ускуналар, алоқа воситалари керак», — дея тушунтирган миллиардер.
Шунингдек, Маск Марсда ерости гидропоника (ўсимликни тупроқсиз, сунъий муҳитда ўстириш) фермалари бўлган ўзини ўзи таъминловчи шаҳарлар қурмоқчи экани, уларда экинларни узлуксиз етиштириш ва аҳолини озиқ-овқат билан таъминлаш учун зарур шароит яратилишини таъкидлаган. Фермер хўжаликлари қуёш энергияси билан ишлаши қайд этилган.
